திங்கள், 16 ஜூன், 2014

நான் 100/100 வாங்குவது எப்போது?


வாழ்க்கையில் 100 என்ற எண்ணுக்கு எப்போதுமே ஒரு தனி மதிப்பு உண்டு.

மாணவனுக்கு அனைத்து பரீட்சைகளிலும் 100 க்கு 100 வாங்கவேண்டும் என்ற ஆசை எப்போதும் இருக்கும். இந்தக் காலத்தில் அது சாத்தியமாகவும் இருக்கிறது. நான் படித்த காலத்தில் 60 மார்க் போடவே ஆசிரியர்கள் மிகவும் தயங்குவார்கள்.

எல்லோரும் 100 வயது வரை வாழ விரும்புகிறார்கள். சமீபத்தில் நான் கேட்ட ஒரு டாக்டரின் பிரசங்கத்தில் அவர் ஒவ்வொரு மனிதனும் 100 ஆண்டுகள் வாழுமாறுதான் பிறப்பிக்கப்பட்டிருக்கிறான். ஆனால் மனிதன்தான் தன் வேண்டாத பழக்கங்களினால் தன் ஆயுளைக் குறைத்துக்கொள்கிறான் என்று கூறினார்.

100 சதம் உத்திரவாதம் என்று பலவற்றிற்கு வியாபாரிகள் கூசாமல் கூறுகிறார்கள். இதை நம்பி பலர் அந்தப் பொருளை வாங்குகிறார்கள். வியாபாரம் அமோகமாக நடக்கிறது.

ஆக மொத்தத்தில் ஒரு காரியம் 100 சதம் முடிந்து விட்டது என்றால் அந்தக் காரியம் வெற்றி என்று பொருள். பதிவுலகில் நானும் அப்படி ஒரு வெற்றி பெற ஆசைப்படுகிறேன்.

அது இதுதான். நான் இந்த இடத்தைப் பிடிக்கவேண்டும்.


நான் இப்போது இருப்பது இந்த இடத்தில்.


நான் இந்த இடத்திற்கு வருவதற்கு உதவிய அனைத்து வாசக நேயர்களுக்கும் நன்றி. என்னுடைய உழைப்பும் இதில் பெரித கலந்திருக்கிறது. இருந்தாலும் வாசகர்களின் பங்களிப்பே அதிகம்.

இவ்வளவு நாள் ஒத்துழைப்பு நல்கியது போலவே வருங்காலத்திலும் கொடுத்தால் நான் என்னுடைய குறிக்கோளை விரைவில் எட்ட ஏதுவாக இருக்கும். பிறகு நான் என் குறிக்கோளை எட்டிய திருப்தியில் ஓய்வு பெறுவேன்.

உங்கள் ஒத்துழைப்பை வெகுவாக எதிர் பார்க்கிறேன்.

9 கருத்துகள்:

  1. 41 லிருந்து இன்னும் கீழே இறக்க சதித் திட்டம் தீட்டுவோம்! :)))

    பதிலளிநீக்கு

  2. இனிய பிறந்த நாள் வாழ்த்துக்கள்! நீங்கள் நூறு ஆண்டுகள் வாழ விழைகிறேன். எல்லோரும் தமிழ்மணம் வரிசைப் பட்டியலில் முதலிடத்தைப் பிடிக்க விரும்பும்போது, 41 ஆம் இடத்தில் இருக்கும் தாங்கள் 100 ஆவது இடத்திற்கு வரவேண்டும் என விரும்புவது ஏன்? இதை அடைய நாங்கள் உதவுவதாக இல்லை!

    பதிலளிநீக்கு
  3. ஹா...ஹா...

    உங்களின் குறிக்கோள் வெற்றியடைய வாழ்த்துக்கள் ஐயா...

    பதிலளிநீக்கு
  4. இதற்க்கு எங்களின் உதவி தேவை இல்லையே ஐயா.
    www.Killergee.blogspot.com

    பதிலளிநீக்கு
  5. மனம் போல் வாழ்வு! இனிய வாழ்த்து(க்)கள்.

    பதிலளிநீக்கு
  6. 100 அல்ல. உங்களுக்கு இந்த இடம்தான் சரியானது - 001

    பதிலளிநீக்கு